Páginas vistas en total

Follow by Email

viernes, 27 de abril de 2012


 

   El primer Conciertu pola Oficialidá al que fui debió ser en 2001. Yera en La Felguera y perdí unes gafes -qu'ellí siguíen cuando volví a por elles palpando-. Yo falaba asturianu -falélo tola vida, soi de Turón- pero nun tenía conciencia de facelo. Yera -y soi- fan lloquísimu de Dixebra -hasta rompí un piñu nún pogu-y namás la idega de subime a esi mesmu escenariu, un poco por militancia y otro poco por arguyu, poníame nerviosu. Non munchos meses depués grabé nuna maqueta la primer canción n´asturianu de la mio discografía -Alón, con lletra de Xandru Fernández- y, de dalgún mou, entamó una carrera paralela na mio llingua qu´agora ya tien dos discos y unes cuantes collaboraciones. 

   Dende aquel abril de 2001 hasta güei namás debí faltar a esi conciertu dos o tres veces. Siempre foi una de les cites primaverales marcaes en collorao nel calendariu. De primeres Santo Adriano, depués la Folixa, otra vuelta la Oficialidá... Añu tres añu llegaba a les ocho la tarde y colaba a les cinco la mañana con una tayada como un médicu. Añu tres añu pensaba qu´en dalgún momentu diba tocame a min. Y sí, llegó´l momentu. Tocóme. Mañana va cumplise una delda histórica nel mio caxón sentimental particular. Mañana a les 00:00, con tola banda nel escenariu, Alfredo González va tocar, a la fin, nel Conciertu pola Oficialidá. Xusto enantes de Dixebra. Mi madre...

1 comentario:

Anónimo dijo...

no se ve el texto con ese fondo tan bonito :S