Páginas vistas en total

Follow by Email

miércoles, 3 de octubre de 2012

"Si te te pregunten por mi..."


   Llevaba unes selmanes dándo-y vueltes a la cabeza con una adaptación del "Si me quieres escribir" que se fizo famosu -ente otros conflictos- na Guerra Civil. Tenía que ser una adaptación al asturianu y con temática, caro, minera. ¿Por qué adaptar esa melodía?. Pa nun escaecer. ¿Por qué n´asturianu y falando de la resistencia minera?. Sobra la respuesta. 

   El pasáu 25 de setiembre actué nun Conciertu pola Minería en Mieres -que, d´otra manera, nun llegó nin a mediar l´aforu del Auditoriu- y paecióme´l momentu y el llugar pa estrenala. Equí la tenéis -perdón pola calidá d´imaxe-; y equí vos escribo la lletra -susceptible d´aumentase y camudase-

Si te pregunten por mi
di-yos lo que toi faciendo:
encender les barricaes
ente Uxo y Figareo.

Anque nos tiren pelotes
y nos frayen les dos piernes,
tien más fuerza qu´un cobarde
un mineru con muletes.

Al pasar por La Cuadriella
tréma-yos el miéu nes piernes:
de Turón nun salen vivos
los traidores a la plebe.

2 comentarios:

Pablo A. Quiroga Prendes dijo...

y qué quiés que te diga...? escarpies por pelos

Larry Runner dijo...

Escarpies? Ganes de dar osties sin control. Nun me calientes, nun me calientes.